Mostrando mensaje 564     < Anterior | Siguiente > Responder a este mensaje Asunto: [galizacig] Novidades GalizaCIG 04/03/2008 Fecha: Martes, 4 de Marzo, 2008  09:15:49 (+0100) Autor: fp <fper @.......es> Estimada/o compañeira/o A data 4 de marzo de 2008 temos engadido nas páxinas de GalizaCIG, a web da CIG (Confederación Intersindical Galega), as informacións referenciadas á fin desta mensaxe. Infórmate da actualidade sindical de Galiza todos os días en http://www.galizacig.com Webs espello en: http://www.galizacig.org e http://www.galizacig.net Atentamente, Fernando Pol (administrador de GalizaCIG). CIG-Informática.     ·Novidades GalizaCIG· 04/03/2008 • Trátase de recoñecer a loita sindical que sobresaíra no ano anterior A CIG celebra a II Edición do Premio do Día da Clase Obreira Galega A CIG celebra, este martes día 4 de marzo, a II Edición do Premio do Día da Clase Obreira Galega cun xantar de confraternización, a actuación de ‘Mini e Mero’ e a intervención do secretario xeral, Suso Seixo. Ao acto están convidados representantes sindicais e de diversas asociacións, entidades e persoeiros da vida cultural, política e económica de Galiza • Serrabal segue de cerca a campaña electoral De mitin con Touriño “Touriño prometiches e logo non cumpriches” foi unha das consigas máis coreadas polo comité de recepción que agardaba ao presidente da Xunta á súa chegada ao mitin do domingo 2 de marzo en Compostela. Eran os traballadores de Serrabal e Ferroatlántica que desenvolven unha campaña paralela á electoral en demanda do cambio de trazado do Tren de Alta Velocidade ao seu paso pola mina • A empresa sanciona ás/aos traballadoras/es simplemente por ser demasiado amábeis Concentracións simultáneas nos Supermercados Lidl en Santiago, Ribeira, A Coruña, Ferrol e Betanzos O Comité de Empresa de Supermercados Lidl SA convocou, na mañá do luns 3 de marzo, concentracións simultáneas diante dos centros de venda da Rocha en Santiago, de Elviña en A Coruña, de Ferrol, de Ribeira e de Betanzos para demandar melloras nas condicións de traballo • Os traballadores ratifican por inmensa maioría os paros dos días 5 e 8 de marzo O persoal de Deportes da provincia coruñesa mobilízase de cara á folga O persoal das instalacións deportivas da provincia de A Coruña comezou as mobilizacións como preámbulo ás dúas xornadas de folga previstas para os días 5 e 8 de marzo. Os traballadores esixen que se constitúa unha asociación patronal para poder negociar legalmente un convenio colectivo no sector, pois padecen unha perda constante de poder adquisitivo • O cadro de persoal parará todos os mércores en sinal de protesta 300 persoas esixen en Guitiriz a readmisión dos 30 despedidos en Ingemarga Por volta de 300 persoas saíron ás rúas de Guitiriz o pasado 1 de marzo para expresar o seu apoio e esixir a readmisión dos 30 despedidos da empresa Ingemarga. Ao mesmo tempo que se desenvolvía a marcha, os comercios da vila pecharon en solidariedade cos empregados represaliados • Malia ser a maioría de docentes mulleres, segue a haber máis cargos directivos homes A CIG demanda da Consellaría de Educación a elaboración dun Plan de Igualdade no Ensino Anxo Louzao e Dores Fernández, secretarios nacional e da Muller de CIG-Ensino, presentaron un estudo que evidencia a baixa presenza das mulleres na dirección dos centros educativos malia ser maioría no profesorado. Por iso, CIG-Ensino demanda da Consellaría de Educación que se elabore un Plan de Igualdade para o Ensino • O momento dun boicoteo mundial a Israel Artigo de Omar Barghouti (Rebelión) • Ruptura diplomática con Colombia tras a agresión a Ecuador Artigo de Heinz Dieterich (Rebelión) • O mandato de sangue de Uribe Artigo de Emir Sader (Agência Carta Maior)   01/03/2008 • 8 de marzo, Día da Muller Traballadora Loitando contra a dobre presenza: dobre loita, dobre resposta A Secretaría da Muller da CIG vén de presentar a súa campaña para este 8 de marzo, Día da Muller Traballadora, baixo o lema “Loitando contra a dobre presenza: Dobre loita, dobre resposta”. Unha campaña que, alén de denunciar as condicións laborais ás que se enfronta a muller galega, alerta das graves repercusión que, para a súa saúde ten a dificultade de conciliar a vida laboral e familiar • VI Xornadas da Muller Unha reflexión sobre a prevención da violencia sexista desde a educación No marco das VI Xornadas da Muller, organizadas pola AS-PG e a CIG-Ensino (coa colaboración da Deputación de A Coruña e da Obra Social de Caixa Galicia) máis de media ducia de investigadoras/es achegan experiencias sobre a prevención da violencia sexista nas aulas • Exixiron un servizo público, galego e de calidade Manifestación de Correos en demanda de melloras na situación sociolaboral dos traballadores/as da entidade Os traballadores e traballadoras de Correos, convocados por CIG-Correos, percorreron, o pasado xoves día 28 de febreiro, as rúas compostelás en demanda dunhas condicións laborais e salariais dignas. Ademais, exixiron que o servizo de Correos sexa público, galego e de calidade • A central nacionalista acadou 3 dos 5 representantes A CIG consegue maioría absoluta na Cooperativa Os Irmandiños de Ribadeo A CIG acadou maioría absoluta en Os Irmandiños, cooperativa de servizos e produtos agropecuarios de Ribadeo, ao obter tres delegados mentres que UGT e CCOO conseguiron un cada unha. A participación nas votacións foi do 69% • Está dirixido a traballadores/as en activo da empresa privada Curso de formación continua de Informática de usuario en O Barco de Valdeorras O local da CIG de O Barco de Valdeorras acolle un curso de formación continua de Informática a nivel usuario/a que será impartido por FORGA. Está dirixido a traballadores e traballadoras en activo e vai do 7 de abril até o 14 dese mesmo mes, cunha duración total de 55 horas • Reflexos de uma crise Artigo de Eduardo Bomfim (Actualidade GalizaCIG) • Classes e parentescos nos campos da morte do Quênia Artigo de Oduor Ong'wen (Correio da Cidadania)   29/02/2008 • Agardaban a súa entrada no Hotel de San Francisco, onde se celebrou o debate da TVG Traballadores de Serrabal demandan dos representantes de PP, PSOE e BNG solucións Os traballadores de Serrabal, acompañados por representantes sindicais aproveitaban a celebración do debate electoral da TVG para facerlles chegar aos representantes das tres principias organizacións políticas de Galiza, PP, PSOE e BNG, as súas demandas de cambio de trazado do Tren de Alta Velocidade ao seu paso pola mina • O sábado 1 de marzo hai convocada unha manifestación na vila chairega 30 traballadores son despedidos en Guitiriz nunha empresa do sector da pedra Ingemarga, empresa dedicada ao corte e serrado de pedra e mármore na localidade chairega de Parga (Guitiriz), despediu nos días pasados 30 dos seus traballadores, dous deles membros do Comité de Empresa, ao negárense a traballar na sección de serra durante as fins de semana • O estudo constata que saen do país 42.000 persoas máis das que entran a traballar En 2005, máis de 70.600 traballadores/as domiciliados en Galiza traballaban noutra comunidade Os traballadores/as domiciliados en Galiza que asinaron un contrato noutra comunidade autónoma en 2005 (últimos datos proporcionados polo INEM) fixérono maioritariamente en Madrid (26%), seguida de Canarias (17,4%) e Catalunya (16%) • Demanda de Educación a creación dunha Dirección ou Subdirección Xeral específica A CIG reclama medidas urxentes para que se cumpra o Decreto de Normalización Lingüística no Ensino A CIG-Ensino constata que sete meses despois da entrada en vigor do Decreto 124/2007 que regula o uso e promoción do galego no sistema educativo, a Consellaría de Educación non ten dado mostras de implicación na súa implantación • Críticas a Traballo A CIG de Ourense denuncia o espectacular incremento da sinistralidade en xaneiro Un total de 406 accidentes con baixa en xornada de traballo rexistráronse en Ourense no primeiro mes do ano, 130 máis que no mesmo período do ano anterior (276) o que representa un incremento do 47% • Terrorismo de xénero Artigo de Mª Carme López Santamariña (Galiza) • DESDE O VENTRE DA BALEA Eleccións a Cortes Xerais: 1+1=3 Artigo de Rafa Villar (Galiza) • Medio século de liberdade Artigo de Manuel Mera (Galiza)   28/02/2008 • Exixen que se cumpra a lexislación laboral e se faga indefinido a este persoal Veterinarios/as de Tragsega entregan a Elena Espinosa 3.500 sinaturas en apoio ás súas demandas Traballadores/as de Tragsega concentráronse en Ourense aproveitando a celebración da Conferencia-almorzo organizada polo Foro Nueva Economía, na que participaban a ministra de Agricultura, Elena Espinosa, e o presidente da Xunta, Emilio Pérez Touriño, para transmitirlles a situación laboral de indefensión legal na que se atopan e demandar solucións • Análise de datos A CIG de Ourense denuncia os numerosos despedimentos e a precariedade na contratación A provincia de Ourense rexistrou durante 2007 unha media de dous despedimentos por cada día hábil do ano, segundo os datos oficiais que fixo públicos a CIG de Ourense nunha rolda de empresa, na que denunciou a alta taxa de precariedade e temporalidade existente na comarca • Denuncia de CIG-Ensino “Jóvenes empresarios” premia a unha empresa que recorta os dereitos laborais do seu persoal A CIG-Ensino da comarca de Vigo fixo público a través dun comunicado de prensa o seu rexeitamento á concesión do IV Premio Joven Empresario ao grupo de empresas FEMXA, pola súa vulneración constante dos dereitos dos traballadores do seu propio persoal • Programa de apoio a pais no rural Preocupación pola posíbel retirada do apoio de Educación á “Preescolar na Casa” As e os traballadores de Preescolar na Casa, representados polo seu Comité de Empresa a nivel galego, amosan a súa preocupación pola posíbel retirada do apoio a este programa por parte da Consellaría de Educación • A Mesa denunciara a un xefe de sección por dicirlle “Burra, no hables lenguas menores” Carrefour recoñece a discriminación a unha empregada por falar en galego e di que tomou medidas O director do hipermercado de Carrefour de A Coruña, no que se produciu recentemente o grave caso de discriminación lingüística a unha traballadora, pediu desculpas, segundo informa a Mesa pola Normalización Lingüística, explicando que se reprendeu ao xefe de sección que protagonizou o suceso • Brasil: Apoio às Convenções 151 e 158 da OIT Artigo de Altamiro Borges (Actualidade GalizaCIG) • Mundo: Tropeços do cavalo Artigo de Frei Betto (ADITAL)   27/02/2008 • Touriño prefire ir aos actos electorais que cumprir os compromisos adquiridos con eles Os traballadores de Serrabal e Ferroatlántica manteñen a acampada malia o silencio do presidente da Xunta O frío e a chuvia destes últimos días de febreiro acompaña aos traballadores de Serrabal e Ferroatlántica que, malia as inclemencias meteorolóxicas, continúan a facer quendas para manter a acampada diante do edificio da Xunta de Galiza en San Caetano, tal e como dixeron que farían, até cando menos o final da campaña • A CIG convoca unha concentración diante do seu centro de traballo, a Estación de Servicio Bens Despiden un empregado por gozar do permiso de paternidade A empresa Estación de Servicio Bens SL despediu un traballador despois de que gozase do permiso de paternidade para exercer o dereito legal a conciliar a súa vida persoal, familiar e laboral. O caso xa foi posto en coñecemento da Inspección de Traballo e tamén se denunciará no Xulgado do Social, onde se solicitará a nulidade do despedimento por se tratar dun exemplo claro de discriminación • Pola liberdade de expresión A CIG de Vigo amosa a súa solidariedade coas persoas sancionadas da manifestación soberanista do 6-D A Dirección Comarcal da CIG-Vigo mostra a súa solidariedade coas persoas sancionadas polos feitos acontecidos na manifestación soberanista celebrada o 6 de decembro na cidade de Vigo a través dun comunicado que se fixo chegar aos medios de comunicación nesta semana para reclamar a defensa da liberdade de expresión • Mídia esconde o bloqueio a Cuba Artigo de Altamiro Borges (Actualidade GalizaCIG) • Cuba depois de Fidel Artigo de Emir Sader (Agência Carta Maior)   26/02/2008 • A folga queda desconvocada A asemblea de traballadores de Cespa en A Coruña aproba un acordo coa empresa Non haberá folga no servizo de limpeza viaria e de recollida do lixo na cidade de A Coruña logo de que a asemblea de traballadores de Cespa aprobase o preacordo que atinxiran a parte social e a empresa na última xuntanza da mesa de negociación do novo convenio colectivo • Fidel Castro e o futuro de Cuba Artigo de Altamiro Borges (Actualidade GalizaCIG) • O rearmamento do nacionalismo español Artigo de Raimundo Viejo Viñas (Diagonal) • A solução democrática da crise boliviana Artigo de Emir Sader (Agência Carta Maior) • Cuba: Não haverá substituto para Fidel Artigo de Ignacio Ramonet (Vermelho)   23/02/2008 • Hai meses xa advertiran que, de non ser atendidas as súas peticións, eles tamén entrarían en campaña Os traballadores de Serrabal e Ferroatlántica acampan ante a Xunta en demanda dun cambio de trazado do TAV Tras percorrer as rúas compostelás, os traballadores de Ramsa, empresa concesionaria da explotación da mina de Serrabal, e dos centros de Ferroatlántica de Cee-Dumbría e Sabón cumpriron o seu compromiso de acampar diante do edificio da Xunta en demanda do cambio de trazado do Tren de Alta Velocidade e en defensa dos postos de traballo • Conseguen tirar compromisos As redeiras ocupan a Inspección de Traballo e a Xunta en Vigo para reclamar medidas contra o furtivismo O venres 22 de febreiro desde ás dez da mañá comezaba unha xornada de reivindicación e visibilización dos dereitos das redeiras, que desde distintos portos de Galiza chegaron a Vigo para reclamar medidas para rematar co traballo ilegal deste oficio, que xa supón un 67%, e que dana gravemente ao sector • Felicitan a Galaxia polo “éxito conseguido para o noso idioma” con esta tradución A Mocidade pola Normalización Lingüística anima a ler en galego a derradeira das aventuras de Harry Potter A Mocidade pola Normalización Lingüística, sección xuvenil da Mesa, súmase á celebración dos millares de persoas seguidoras das aventuras de Harry Potter pola saída ao mercado do derradeiro dos títulos da saga do xoven mago, Harry Potter e as reliquias da morte • Unha vida entregada á causa nacionalista Faleceu Lois Obelleiro Artigo de Manuel Mera (Galiza) • Exxon-Mobil, piratas petroleiros Artigo de Pedro Campos (Avante!) • Perspectiva e antecedentes da novíssima luta pela independência em Porto Rico Artigo de Juan Mari Brás (ODiario.info)   22/02/2008 • Os preto de 2.000 traballadores/as corearon consignas como “Este IPC, para Rajoy e ZP” Delegados e delegadas da CIG demandan nas rúas de Compostela “Salarios dignos contra a carestía da vida” Baixo o lema “Salarios dignos contra a carestía da vida” percorreron as rúas de Compostela preto de 2.000 delegados e delegadas da CIG desde a Alameda até a Praza de Praterías, que se quedou pequena para acoller a todas e todos os asistentes. Unha mobilización para chamar á clase traballadora galega a loitar, nos convenios colectivos, contra a precariedade e por melloras salariais • Os traballadores acamparán en San Caetano durante toda a campaña electoral Manifestación dos traballadores de Serrabal e Ferroatlántica de Cee-Dumbría e Sabón en Compostela Os traballadores e traballadoras da mina de Serrabal e das plantas de Ferroatlántica en Cee-Dumbría e Sabón convocan para hoxe venres día 22 de febreiro, ás 11:00 horas, unha manifestación con saída da Alameda, que percorerrá as rúas de Compostela para rematar diante do edificio administrativo da Xunta de Galiza en San Caetano • CIG-Ensino critica este feito que impide facer propostas na Mesa sectorial con coñecemento suficiente Educación presenta unha oferta de emprego público sen posibilidades de moficar os seus aspectos xerais A CIG-Ensino criticou na Mesa sectorial de Ensino non universitario que tivo lugar o pasado 20 de febreiro, que a Consellaría de Educación non achegou con antelación a proposta de oferta de emprego para o ensino público (oposicións) o que supón que non se poida facer unha valoración demorada e propostas con coñecemento suficiente • Presentou en Educación unha listaxe de cincuenta centros cos casos máis graves A Mesa pola Normalización Lingüística denuncia no ensino un “incumprimento masivo” do decreto de galeguización A MNL entregou no rexistro da Consellaría de Educación unha listaxe de cincuenta centros nos que se incumpre de forma especialmente grave o decreto de galeguización do ensino. Segundo o seu presidente, Carlos Callón, “o incumprimento é masivo, especialmente no tocante aos ciclos formativos e ao ensino infantil” • Fidel Castro e o lixo midiático Artigo de Altamiro Borges (Actualidade GalizaCIG) • A ilha sitiada Artigo de Eduardo Bomfim (Actualidade GalizaCIG) • Uma guerra atrás da esquina Artigo de Flávio Aguiar (Agência Carta Maior)   21/02/2008 • Nova xuntanza da Mesa sectorial de Atención Primaria o venres Peches nos centros de PAC's galegos contra a discriminación no Sergas Os médicos dos Puntos de Atención Continuada (PAC) de Vigo e A Coruña somáronse o 19 de febreiro aos seus compañeiros das outras cinco grandes cidades galegas, e iniciaron un peche indefinido para reclamar melloras na súa situación laboral • Todos novos ricos Artigo de Manuel Mera (Galiza) • Cuba máis aló de Fidel: guións errados e perspectivas Artigo de Joseba Macías e José Miguel Arrugaeta (Gara) • Entrevista a Emir Sader: “Non hai condicións para aventuras bushianas en América Latina” Artigo de Carlos Abel Suárez (Sin Permiso) • Kosovo independente, e despois? Artigo de Jean-Arnault Dérens (Le Monde Diplomatique) • América do Sul: Do destino à construção Artigo de Marco Aurélio Garcia (Vermelho)   20/02/2008 • Atentado contra o dereito dos traballadores Visto para sentenza o xuízo da funcionaria acosada desde 1999 contra o alcalde de Dozón por prevaricación As palabras de Ana Lois Navaza, a presentación de probas periciais, sentenzas e testemuñas volveron ratificar o acoso laboral no Concello de Dozón. A CIG reclama que se inhabilite ao alcalde e que se recoñeza o delito cometido por Adolfo Campos Panadero por prevaricación, atentar contra o dereito dos traballadores, falta de medidas de seguridade no posto de traballo, lesións e discriminación por ideoloxía • A sección sindical da CIG asegura que o anterior Goberno local bloqueou toda posibilidade de entendemento cos empregados Traballadores municipais e Concello de As Pontes atinxen un acordo que normaliza as relacións laborais O último pleno municipal de As Pontes aprobou un acordo que normaliza as relacións laborais entre os traballadores do Concello e o Goberno local, e que supón a fin dun conflito que mantiveron as dúas partes nos últimos catro anos. A sección sindical da CIG critica a xestión desenvolvida polo anterior Executivo local (BNG), a quen acusou de represaliar e difamar os traballadores • Medida de presión por un Convenio digno Os traballadores de Faurecia Interior Systems bloquean a entrada da fábrica para parar as horas extra O sábado 16 desde as cinco da mañá, máis de cen traballadores da factoría da automoción Faurecia Interior Systems, no Polígono das Gándaras de O Porriño, bloqueaban a entrada deste centro de traballo para impedir que se realizaran horas extras como unha medida de presión na negociación do convenio de empresa • A Mesa xa recibiu 40 queixas por acoso laboral por cuestión de lingua nos últimos dous anos Un xefe de sección dun Carrefour de A Coruña recrimina aos empregados por dirixirse aos clientes en galego A Mesa pola Normalización Lingüística vén de denunciar un novo caso de discriminación lingüística no eido laboral. Un xefe de sección do centro comercial Carrefour da avenida de Alfonso Molina recriminou a unha empregada por dirixirse aos clientes en galego. “Burra, no hables lenguas menores” foron as palabras que dedicou á traballadora • Jovens cubanos e mentiras da Globo Artigo de Altamiro Borges (Actualidade GalizaCIG) • 2008: o pasamento da globalización neoliberal Artigo de Immanuel Wallerstein (FBC) • Crise de lexitimidade do Banco Mundial e do FMI Artigo de Éric Toussaint (CADTM) • Kosovo: manobra xeoestratéxica Artigo de Editorial (La Jornada)     Infórmate da actualidade sindical todos os días en GalizaCIG