Mostrando mensaje 557     < Anterior | Siguiente > Responder a este mensaje Asunto: [galizacig] Novidades GalizaCIG 16/01/2008 Fecha: Miercoles, 16 de Enero, 2008  08:56:01 (+0100) Autor: fp <fper @.......es> Estimada/o compañeira/o A data 16 de xaneiro de 2008 temos engadido nas páxinas de GalizaCIG, a web da CIG (Confederación Intersindical Galega), as informacións referenciadas á fin desta mensaxe. Infórmate da actualidade sindical de Galiza todos os días en http://www.galizacig.com Webs espello en: http://www.galizacig.org e http://www.galizacig.net Atentamente, Fernando Pol (administrador de GalizaCIG). CIG-Informática.     ·Novidades GalizaCIG· 16/01/2008 • Xosé Carlos Crespo, secretario nacional de CIG-Administración “Agardamos que a Mesa do Parlamento autorice en breve a recollida de sinaturas da ILP dos altos cargos” Continuamos coa rolda de entrevistas aos secretarios e secretarias nacionais das federacións, e nesta ocasión contamos coa achega da conversa mantida con Xosé Carlos Crespo, secretario nacional da Federación de Administración Pública da CIG • Camiñando cara unha folga nacional Mobilización das traballadoras do servizo de limpeza do Hospital de Montecelo pola equiparación e a carreira Nova mobilización das traballadoras e traballadores das empresas adxudicatarias do Sergas, desta volta, na cidade de Pontevedra, e aproveitando a hora do descanso, un numeroso e ruidoso grupo de traballadoras manifestábanse diante do Hospital de Montecelo • Cinco traballadores levan xa dous meses sen traballo efectivo por pedir mellores condicións laborais Concentración diante de Transportes Manuel Rial Traballadores de Transportes Rial SL concentráronse diante da empresa para denunciar a precariedade laboral que padecen e demandar unhas condicións de traballo dignas. Como medida de presión os traballadores acordaron pór en marcha unha campaña informativa entre os veciños e veciñas de Negreira para dar a coñecer a súa situación • Demandan cese de Xerencia Protesta da Comisión de Centro do CHOP na presentación da nova equipa directiva Son moitos os meses de mobilización e actos de protesta no Complexo Hospitalario de Pontevedra pola xestión e polos problemas de recursos humanos neste hospital. Unha nova acción foi na presentación da nova equipa de Dirección a aparición de máis de vinte persoas con carteis coa lenda de “Cese Xerencia” • Rolda de prensa de avaliación das eleccións sindicais A CIG de Pontevedra obtén o 33,17% de representatividade Os resultados das eleccións sindicais volven ser noticia, aínda pendentes dos datos finais oficiais, e é que na cidade de Pontevedra e nos concellos próximos a CIG é de novo a primeira forza sindical. Gaña as eleccións sindicais na comarca de Pontevedra con 52 delegados e delegadas máis que CCOO e 68 máis que UGT • A central nacionalista pasa de 6 a 8 representantes no comité provincial coruñés desta empresa de Gadisa A CIG fica ao borde da maioría absoluta en Almacenes Casán A CIG conseguiu 8 delegados nas eleccións ao Comité provincial coruñés de Almacenes Casán, empresa pertencente ao Grupo Gadisa. O sindicato nacionalista subiu dous representantes con respecto ao anterior proceso electoral e quedou a unha escasa marxe de conseguir a maioría absoluta. A participación foi do 67,5% • O venres 18 ás 10:00 horas en Compostela Xornadas internas de formación político-sindical con Rafa Díez Usabiaga, secretario xeral de LAB A CIG organiza, o próximo venres día 18 de xaneiro, unhas xornadas internas de formación político-sindical en Compostela, nas que se contará coa presenza do secretario xeral de LAB, Rafa Díez Usabiaga • A asociación en defensa da lingua di que os servizos ferroviarios, de titularidade estatal, “actúan como se o galego non existise” A Mesa denuncia a vulneración de dereitos lingüísticos por parte de RENFE e ADIF A Mesa pola Normalización Lingüística realizou o martes 15 de xaneiro un acto reivindicativo na estación do tren de Santiago de Compostela para denunciar as vulneracións dos dereitos lingüísticos dos galegos e galegas que RENFE e ADIF, como organismos públicos que xestionan as infraestruturas ferroviarias e a explotación dos camiños de ferro en Galiza, están a cometer • Brasil: CTB, a novidade no sindicalismo Artigo de Altamiro Borges (Actualidade GalizaCIG) • Uma mentira que abala o Mundo Artigo de Rui Namorado Rosa (ODiario.info)   15/01/2008 • Concentración de delegados/as o mércores 16 de xaneiro, ás 11:30 horas diante da Consellaría Convocatoria unitaria para reclamar de Educación un novo proxecto de orde para a xornada única O 27 de decembro CIG-Ensino, CCOO, UGT, ANPE, STEG e CSIF, presentaban na Mesa Sectorial Docente non Universitaria un escrito para reclamar un novo proxecto de orde sobre implantación da xornada única e demandar unha entrevista con carácter de urxencia. Ante a falta de resposta da Consellaría acordaron, de forma unitaria, convocar unha concentración de delegados/as • A empresa acuícola botou 17 traballadores de maneira improcedente nos últimos catro anos Declaran nulo o despedimento do presidente do Comité de Stolt Sea Farm Joaquín Casais Louro, presidente do Comité de Stolt Sea Farm e afiliado á CIG, será readmitido na empresa logo de que o Xulgado do Social número 2 de Compostela declarase nulo o seu despedimento. A multinacional da acuicultura botou en Galiza de xeito improcedente 17 empregados nos últimos catro anos (11 deles no departamento de Hatchery de Quilmas, en Carnota, onde traballa o denunciante) • Convocan unha concentración diante da oficina o sábado 19 de xaneiro ás 13:00 horas CIG-Correos denuncia o mal funcionamento do servizo en Teo por falta de persoal de reparto En xaneiro de 2005, Correos entregou, aos traballadores de Correos de Teo, unha proposta de reforma baseada nun estudo feito no ano 2004, que estabelecía a necesidade de aumentar o cadro de persoal de Correos en Teo en 3,5 persoas máis. Malia o tempo transcorrido ese incremento non se efectivizou • Brasil: Sinais contraditórios no sindicalismo Artigo de Altamiro Borges (Actualidade GalizaCIG) • Entrevista a Frei Betto e François Houtart “As mudanzas en América Latina van afectar a unha parte moi rica da poboación” Entrevista por Ramón Palao (Diagonal) • Entrevista a Atilio Borón “Co neoliberalismo a destrución de aparello estatal foi realmente impresionante” Entrevista por Francisco Herreros (El Siglo)   12/01/2008 • Brasil: São Paulo, palanque dos neoliberais Artigo de Altamiro Borges (Actualidade GalizaCIG) • Mudança de época na América do Sul Artigo de Ronaldo Carmona (Vermelho) • África di non Artigo de Ignacio Ramonet (Le Monde Diplomatique) • Os limites da “mudança” nos Estados Unidos Artigo de Luiz Carlos Azenha (Vermelho)   11/01/2008 • Forte apoio ao modelo sindical e de mobilización da central nacionalista A CIG gaña de novo as eleccións sindicais na Comarca de Vigo co 36,1% da representatividade, 2,9 puntos máis As eleccións sindicais realízanse en períodos abertos de catro anos. O que vai do 01/01/2004 até o 31/12/2007 foi avaliado o 10 de xaneiro, en rolda de prensa, por unha representación da Executiva Comarcal da CIG de Vigo composta por Chelo Lago, responsábel de Formación e Afiliación; Bea Caamaño, responsábel de Persoal e Finanzas; Xerardo Abraldes, secretario comarcal; e Placer Vila, secretaria de Organización • DESDE O VENTRE DA BALEA O reiciño feliz Artigo de Rafa Villar (Galiza) • Brasil: Os dilemas do presidente Lula Artigo de Altamiro Borges (Actualidade GalizaCIG) • Socialismo do século XXI, construción intelectual, slogan político ou expresión das loitas anti-sistémicas Artigo de François Houtart (Cuba Siglo XXI) • Europa: A vitoria das liberdades económicas comunitarias fronte ao dereito de folga Artigo de Adoración Guamán Hernández (Red Voltaire) • Que conseguiram os zapatistas? Artigo de Immanuel Wallerstein (Esquerda)   10/01/2008 • Unha nova transición Artigo de Manuel Mera (Galiza) • Brasil: Um balanço parcial do governo Lula Artigo de Altamiro Borges (Actualidade GalizaCIG)   09/01/2008 • Prevé a revogación ou suspensión das autorizacións de transferencia xa concedidas O Regulamento que desenvolve a Lei Orgánica de Protección de Dados recolle achegas da CIG O 11 de abril de 2007 en pleno conflito polos despedimentos de Atento, a CIG mantivo unha reunión en Madrid coa Axencia Estatal de Protección de Dados. O 15 de decembro o Consello de Ministros aprobou o Regulamento que desenvolve a Lei Orgánica de Protección de Dados, que recolle parte das achegas presentadas pola CIG naquela reunión • Acada 3 dos 5 delegados e CCOO queda fóra do Comité de Empresa Maioría absoluta da CIG nas eleccións sindicais de CESPA en Compostela A CIG obtivo a maioría absoluta dos delegados e delegadas de CESPA, empresa dedicada ao coidado de parques e xardíns en Compostela, nas eleccións sindicais celebradas o luns 7 de xaneiro. Este resultado prodúcese logo dun difícil proceso de negociación do convenio colectivo, ao que se opuxeron CCOO e UGT • Afirma que o decreto 124/2007 debe cumprirse en todos os centros de ensino non universitario A Mesa pola Normalización Lingüística úrxelle a Educación un plan de formación en galego para o profesorado O presidente da Mesa pola Normalización Lingüística, Carlos Callón, asegurou que o decreto 124/2007 de galeguización do ensino non se está a aplicar na maioría dos centros. Segundo os datos que manexa, os incumprimentos son especialmente graves no tocante ao idioma no que se imparten as aulas, e de xeito “masivo” en educación infantil • Os novos ventos na América Latina Artigo de Altamiro Borges (Actualidade GalizaCIG) • A caminho da recessão Artigo de Umberto Martins (Vermelho) • Estados Unidos: Um clube de milionários Artigo de Juan Gelman (ODiario.info)   08/01/2008 • Avaliación dos resultados Apoio masivo ás candidaturas da CIG nas empresas do sector de Alimentación no Porto de Marín Coincidindo coa última elección celebrada, a da empresa Tradepana, na que a CIG obtén a maioría absoluta, e unha vez rematado o período das eleccións sindicais, a Federación de Alimentación, Mar e Transporte da CIG avalía os resultados obtidos no Porto de Marín, onde se concentran empresas afectados polos convenios de Frío Industrial, conserva e elaborados • Só tres convenios teñen revisión salarial Importante perda de poder adquisitivo nos salarios dos traballadores ourensáns pola escandalosa suba do IPC O Índice de Prezos ao Consumo (IPC) establece a taxa anual do 2007 no 4,3% segundo os datos adiantados polo Instituto de Estatística. Esta forte suba que ten como base o encarecemento de produtos básicos de consumo representa unha importante perda de poder adquisitivo. • A crise do império e do neoliberalismo Artigo de Altamiro Borges (Actualidade GalizaCIG) • Paquistão, depois do assassinato de Bhutto: A distorcida percepção do Ocidente Artigo de Tariq Ali (ODiario.info) • Venezuela: Dicionário de eufemismos da oposição liberal Artigo de James Petras (resistir.info) • 2007: o pior ano da guerra americana Artigo de Francisco Carlos Teixeira (ACM)   05/01/2008 • Contra as deslocalizacións no Telemárketing A CIG impugna xudicialmente a transferencia a Perú de dados persoais de clientes de Telefónica A Sala do Contencioso Administrativo da Audiencia Nacional española está a tramitar o recurso interposto pola CIG contra unha autorización de transferencia internacional de dados á filial peruana da empresa Global Sales Solutions Line, concedida pola Axencia Española de Protección de Dados á Telefónica Móviles España. Este servizo é prestado actualmente pola empresa Eurocen, que dá emprego a cerca de 1.000 persoas na cidade de A Coruña • É indecente que UGT e CCOO pretendan arrogarse méritos cando son responsábeis de que os mineiros fiquen excluídos do Miner II Os avances no futuro laboral do persoal das auxiliares de Meirama producíronse grazas á mobilización Os avances producidos no conflito das auxiliares de Meirama, como o mantemento dos postos de traballo dos mineiros durante seis meses máis desde o peche do xacemento, ocorrido o pasado 31 de decembro, débense á capacidade de mobilización que amosaron os operarios. A última convocatoria de folga serviu para forzar a Masa, Soluziona e Fergo a garantir o traballo na mina até o próximo verán • Deste xeito a empresa impide que as traballadoras e traballadores coñezan as posicións do sindicato nacionalista Caixanova censura os comunicados da CIG Caixanova negouse ao reparto por valixa dun comunicado da CIG no que a Sección Sindical anunciaba publicamente a súa oposición a unha ampliación da xornada laboral comunicada pola empresa. Non é esta a primeira vez que a empresa censura ou retrasa os comunicados da CIG co fin de evitar que os traballadores e as traballadoras coñezan as posicións da CIG • Déuselle o seu nome a unha praza en Grou Homenaxe ao patriota Elixio Rodríguez Co gallo do nacemento do galeguista Elixio Rodríguez, o 4 de xaneiro de 1910, e fundador das Mocidades Galeguistas de Bande, rendéuselle homenaxe no seu pobo, Grou, no Concello de Lobios, na Baixa Limia. Unha parroquia que fica moi preto da Igrexa suevo-visigótica de Santa Comba e das ruínas romanas de Aquis Querquennis • Homenaxe a Elixio Rodríguez Lembranza a un fillo da Baixa Limia Artigo de Manuel Mera (Galiza)     Infórmate da actualidade sindical todos os días en GalizaCIG     NUNCA PENSASTE QUE PUDIERA EXISTIR TANTA BELLEZA Disfruta de una foto diferente de nuestro Cosmos cada dia. ¿Cual será la de hoy? ¡Descúbrela visitando fadd.corank.com ya mismo!