Mostrando mensaje 549     < Anterior | Siguiente > Responder a este mensaje Asunto: [galizacig] Novidades GalizaCIG 09/11/2007 Fecha: Viernes, 9 de Noviembre, 2007  09:15:43 (+0100) Autor: fp <fper @.......es> Estimada/o compañeira/o A data 9 de novembro de 2007 temos engadido nas páxinas de GalizaCIG, a web da CIG (Confederación Intersindical Galega), as informacións referenciadas á fin desta mensaxe. Infórmate da actualidade sindical de Galiza todos os días en http://www.galizacig.com Webs espello en: http://www.galizacig.org e http://www.galizacig.net Atentamente, Fernando Pol (administrador de GalizaCIG). CIG-Informática.     ·Novidades GalizaCIG· 09/11/2007 • A central nacionalista realiza unha xornada contra os danos inflixidos por estas entidades á saúde dos traballadores Delegados/as da CIG ocupan mutuas en varias cidades galegas A xornada nacional da CIG contra os abusos das mutuas celebrouse con éxito por todo o país o 8 de novembro. Delegados e delegadas do sindicato ocuparon temporalmente estas entidades en varias cidades da Galiza. Tamén houbo asembleas e concentracións en Vigo, A Coruña, Compostela, Ferrol, Pontevedra, Lugo e Burela • A afectada é unha caixeira afiliada á CIG Nova concentración diante dun novo Eroski Center pola traballadora despedida Inaugurouse hai menos dunha semana un novo centro do Eroski Center na cidade de Vigo. O xoves 8 de novembro desde as 12 da mañá o Comité de Empresa de Eroski inauguraba ao seu xeito con unha nova concentración tamén este novo supermercado para reclamar a readmisión da despedida • Traballadores do INEM denuncian Concentración en Pontevedra para demandar unha nova oficina de emprego Os delegados das seccións sindicais da CIG da Xunta de Galiza e do SPEE-INEM, concentráronse diante da oficina de emprego de Pontevedra (rúa Eduardo Pondal, 32) o mércores día 7 de novembro ás 12 horas para demandar outra oficina de emprego e melloras nas instalacións • Non se contemplan as principais demandas da plataforma sindical A CIG-Santa Bárbara rexeita o acordo do novo convenio de empresa A sección sindical da CIG en Santa Bárbara non asinou o novo convenio colectivo ao non contemplar reivindicacións básicas da plataforma sindical que conformaran no seu día a central nacionalista e mais UGT, que finalmente se descolgou e subscribiu o acordo xunto con CCOO e a empresa • DESDE O VENTRE DA BALEA Prestige: por que o lembrar cinco anos despois? Artigo de Rafa Villar (Galiza) • Tempos de rebeldía e chumbo Artigo de Manuel Mera (Galiza)   08/11/2007 • Haberá asembleas e concentracións nas comarcas A CIG celebra o 8 de novembro unha xornada nacional contra os abusos das mutuas A CIG celebrará o xoves 8 de novembro unha xornada nacional contra os abusos das mutuas, na que se realizarán asembleas de delegados e delegadas, así como concentracións fronte ás mutuas • A CIG-Transporte censura a concesión de selos de “Igualdade de Oportunidades” a esta rede empresarial “Coruña Solidaria” premia o Grupo Vázquez, que precariza as mulleres A CIG-Transporte amosa o seu estupor pola concesión por parte da Asociación “Coruña Solidaria” de selos de “Igualdade de Oportunidades” ás compañías Autos Viuda de Alfredo Labora, Autocares Antonio Vázquez e Autos S. Vázquez, pertencentes todas elas ao Grupo Vázquez. Estas tres empresas precarizan as mulleres • Reiterada vulneración de dereitos sindicais A CIG pide á Inspección que se impoña sanción moi grave ao Hotel Auriense O Hotel Auriense despediu a un traballador e a unha traballadora por presentarse candidatos da CIG nas eleccións sindicais, e despediu a unha das testemuñas que se presentou no xuízo dun dos despedimentos • O presidente da Autoridade Portuaria evidencia o fracaso da súa xestión A CIG lamenta que Fernández-Alonso recoñeza a falta de espazo para contedores no Porto exterior A CIG lamenta as declaracións do presidente da Autoridade Portuaria de A Coruña, Macario Fernández-Alonso, nas que recoñece que o Porto exterior vai carecer de espazo para as infraestruturas necesarias para albergar contedores, cuxo tráfico representa a principal fonte de riqueza das grandes dársenas do mundo • Desconvocada a folga Os traballadores de Cespa conseguen a retirada das sancións ao Comité de Empresa Despois dunha xuntanza celebrada na Delegación de Traballo, e na que estaba presente o Comité de Cespa, a empresa e representantes da Administración, acordaron distintas medidas para poñer fin ao conflito aberto nesta empresa de limpeza, e conseguindo o obxectivo básico de que se lle retiraran as sancións ao Comité de Folga   07/11/2007 • O martes 6 pechouse o prazo de presentación Oitenta persoas participan nas candidaturas da CIG en Caixanova para as eleccións sindicais Malia que foi un esforzo contra reloxo, oitenta traballadores e traballadoras de Caixanova conforman as candidaturas da CIG, o mellor desmentido ao anunciado polos tránsfugas que marcharon para CCOO. As candidaturas están encabezadas polos actuais delegados e delegadas da CIG • Loita contra a sinistralidade A delegada de Traballo de Ourense amósase receptiva ás propostas da CIG sobre Prevención de Riscos Laborais A delegada da Consellaría de Traballo de Ourense amosou receptividade ante diversas propostas que representantes da CIG lle fixeron chegar en materia de prevención de riscos laborais e loita contra a sinistralidade, nunha xuntanza consecuencia das denuncias da CIG ante os graves accidentes nas obras do AVE • Considera que se deben consensuar as liñas básicas de adaptación das titulacións existentes ao Espazo Europeo do Ensino Superior CIG-Ensino vai solicitar á Consellaría a convocatoria da Mesa de Universidades A Consellaría de Educación presentou as liñas xerais para a implantación dos Estudos de Grao e Posgrao na Universidade galega que, para CIG-Ensino, máis que pretender adaptar o sistema universitario ao novo Sistema Europeo de Educación Superior parecen perseguir a redución da oferta universitaria na Galiza en lugar de ampliar e afianzar as actuais titulacións • Demandan a construción dun novo centro CIG-Saúde amosa a súa preocupación pola situación do Centro de Saúde de Tui O actual Centro de Saúde de Tui non permite dar resposta ás necesidades da poboación recoñecidas pola Administración, aínda incrementando a actividade ao horario de tarde. Por iso, desde a CIG Saúde reclaman a construción dun novo centro de saúde • Os alumnos solicitan entrevista coa concelleira Continuarán as mobilizacións polo comezo das clases na Escola de Artes e Oficios de Vigo Despois de manter unha asemblea, os alumnos e alumnas decidiron convocar novas mobilizacións polo comezo das clases na Escola de Artes e Oficios de Vigo, así como abrir novas vías de diálogo coa Administración • A Revolución Rusa: Noventa aniversario da insurrección que mudou o mundo Artigo de Manuel Mera (Galiza) • Unha ollada sindical ao desenvolvemento da URSS Documento do Centro de Estudos Sindicais de Moscova • Vintetrés chanzos máis abaixo Artigo de Víctor Trushkov (Rebelión) • O ano I do assalto ao céu Artigo de Emir Sader (Agência Carta Maior) • A grande Revolução Artigo de Manuel Gusmão (Esquerda)   06/11/2007 • IV Convenio de Telemárketing Pola unidade de acción cara a Folga Levamos once meses cos nosos salarios conxelados. Subiron os alimentos, subiu a luz, subiron os combustibles, subiron as hipotecas e subiron especialmente os beneficios das empresas de Telemárketing, pero os nosos miserables salarios cada día valen para menos. A patronal, moi cómoda con esta situación, dedicouse novamente a reiterarse nos temas xa falados, sen presentar unha proposta de convenio • Foi necesario un acto de conciliación no SMAC de Lugo Readmitida a traballadora que encabezaba a lista da CIG nunha residencia de Chantada A Fundación Residencia da Terceira Idade de Chantada readmitiu a traballadora que despedira por encabezar a candidatura da CIG. Para chegar a este desenlace foi preciso un acto de conciliación no SMAC de Lugo, que se celebrou o pasado 29 de outubro • A unha pediatra do CHUV non lle admiten as solicitudes de probas radiolóxicas porque as pide en galego A Mesa denuncia dous casos de grave discriminación lingüística no Sergas A Mesa pola Normalización Lingüística denunciou dous casos de discriminación lingüística dentro do Servizo Galego de Saúde, un organismo sobre o que segundo Carlos Callón, presidente da asociación, se están a recibir “reiteradas queixas” por non garantir o dereito dos usuarios a expresarse e a ser atendidos en galego • A difusión é de balde e ten periodicidade mensual O MpDC edita o periódico “En Movemento” O Movemento polos Dereitos Civís (MpDC) vén de sacar á rúa unha publicación de difusión gratuíta, en galego, e cunha periodicidade mensual. “En Movemento”, que así se chama o xornal, estará a disposición dos lectores ao principio de cada mes e nel farase un repaso a todas as vulneracións de dereitos e liberdades que se produzan nese período • Brasil: As reformas interrompidas Artigo de Eduardo Bonfim (Actualidade GalizaCIG) • Voracidade do capital Artigo de Ignacio Ramonet (Le Monde Diplomatique)   03/11/2007 • O martes 6 de novembro en Vigo ás 20:30 horas Galiza Sempre homenaxea a Fernando Hoyos, xesuita vigués morto en Guatemala en 1982 O Paraninfo do antigo Reitorado da Universidade será o escenario do acto de homenaxe a Fernando Hoyos que, organizado pola Fundación Galiza Sempre, terá lugar o martes 6 de novembro ás 20:30 horas e no que intervirán Santiago Domínguez, Gustavo Luca de Tena e Enrique Corral • Quem são os inimigos da TV Brasil? Artigo de Altamiro Borges (Actualidade GalizaCIG) • O Japão, os Estados Unidos e a Economia-Mundo Artigo de Immanuel Wallerstein (Esquerda)   01/11/2007 • A Mesa da Cámara galega debe decidir no prazo dun mes se acepta a proposta da central nacionalista A CIG rexistra no Parlamento unha iniciativa para derrogar o plus dos altos cargos A CIG rexistrou no Parlamento de Galiza un escrito de promoción dunha Iniciativa Lexislativa Popular (ILP) para derrogar a Disposición Adicional 17ª da Lei 13/2007, do 27 de xullo, que contempla un plus para os altos cargos • Mediación da Delegación de Traballo Convocada folga con carácter indefinido en Cespa para o 12 de novembro Os traballadores e traballadoras de CESPA, empresa concesionaria do servizo de limpeza e mantemento dos parques e xardíns do Concello de Vigo, decidiron en asemblea convocar unha nova folga indefinida polo despedimento dun traballador e a sanción imposta ao Comité de Folga. Coa mediación de Traballo conseguiron que a sanción non se faga efectiva • A secretaria confederal de Servizos da CIG acompañou a vítimas da ditadura no xuízo contra o sacerdote Von Wernich Elvira Patiño reúnese con representantes da CTA e doutros colectivos sociais arxentinos Elvira Patiño, secretaria confederal de Servizos e Afiliación da CIG, realizou hai semanas unha viaxe a Arxentina onde se entrevistou con representantes do sindicato CTA, con vítimas da ditadura militar e con integrantes doutros colectivos sociais do país austral • Falouse tamén de cursos de formación e da actuación fraudulenta das mutuas A Asemblea comarcal de delegados/as de CIG-Metal de Vigo aborda o novo marco normativo sobre igualdade O xoves 24 de outubro tiña lugar unha Asemblea de delegados e delegadas da Federación do Metal da CIG da Comarca de Vigo para tratar cuestións de actualidade e importancia para os traballadores e traballadoras deste sector • O que alimenta o racismo Artigo de Manuel Mera (Galiza) • Che, en El País o inimigo na casa Artigo de Xurxo Martínez Crespo (Galiza)   31/10/2007 • As mulleres cobran 16.399 euros menos A CIG rexeita o Plan de Igualdade do Banco Santander Central Hispano A Sección Sindical da CIG no SCH non asinou o denominado Plan de Igualdade do SCH, por non incluír ningun tipo de medida para reducir a fenda salarial entre homes e mulleres que se eleva a case 17.000 euros ao ano. Este Plano é o primeiro do sector financeiro e a CIG denuncia a intención por parte da empresa de baleirar de contido a Lei de Igualdade • Outro sinistro en Ourense Novo accidente grave nas obras do Ave no túnel próximo a Trasalba Este martes 30 de outubro produciuse un novo accidente grave nas obras do AVE, no interior do túnel de A Burata, próximo á localidade de Trasalba en Amoeiro. A Comarca da CIG de Ourense avalía estes acontecementos, así como anteriores sinistros na construción destas infraestruturas • Fican por resolver grande parte das demandas de mellora da mobilidade na comarca coruñesa que se consensuaron neste ente A CIG solicita ao presidente do Consorcio a convocatoria urxente do Foro de Mariñán A CIG remitiulle unha carta ao presidente do Consorcio de As Mariñas e alcalde de Bergondo, José Fernández Ramos para que convoque con urxencia o Foro de Mariñán. Desde que se constituíra este ente comarcal hai xa tres anos, aínda non se puxeron en práctica as medidas que se consensuaran para mellorar a mobilidade na bisbarra coruñesa • A crise financeira, um esboço Artigo de Gabriel Kolko (resistir.info)     Infórmate da actualidade sindical todos os días en GalizaCIG     NUNCA PENSASTE QUE PUDIERA EXISTIR TANTA BELLEZA Disfruta de una foto diferente de nuestro Cosmos cada dia. ¿Cual será la de hoy? ¡Descúbrela visitando fadd.corank.com ya mismo!